“星二代”劲似阿Sa！带老戏骨爸爸做网红，对方曾为赚钱食“牛屎”~

前年“鸠摩智”李国麟

因为钱银问题选择离巢

之后转战内地发展

好似一众离巢星咁

佢选择喺网上直播带货

but成绩就唔多理想

一日播足8粒钟都无人问津

被封“最惨带货明星”

之后佢更豁出去

开始猎奇式探店

狂食小龙虾、试饮温泉水

食埋“牛屎火锅”

见到已经70岁嘅佢

依然咁敬业又落力

就真係俾佢杀出一条财路

收获一众fans喔

///////

最近趁住自己热度高涨

佢开始带埋

久未露面嘅囡囡出镜

22岁嘅李沅稜Cherie

喺英国读戏剧专业

每逢假期都会翻香港

陪下屋企人

喺社交平台上

佢会经常分享父女温馨互动

李国麟成个“廿四孝爸爸”咁

递奶茶、揸面筋……

有网友就大赞Cherie

五官端正、笑容甜美

成个阿sa同蔡洁嘅结合版

Cherie仲经常跟住爸爸

出席各种活动

探班话剧后台学习演技、

接爸爸落班

认识咗唔少圈内嘅前辈

前排Cherie真诚发文

话要慢慢打磨自己演技

搵个台词老师

纠正自己嘅普通话

中意表演嘅佢

仲未签公司就有观众缘啦

唔少网友都好期待

Cherie接过老窦嘅衣钵

早日拍戏俾大家睇喔~

资料来源：小红书、微博等

网络信息综合整理

编辑：饶   禧

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》▼▼▼