【On.cc】陳展鵬廣州全運會開幕禮獻唱：感到好光榮
第15屆全運會開幕禮昨日（11日）於廣州舉行，無綫視帝陳展鵬、黃庭鋒、張馳豪都有份做暖場嘉賓，於台上獻唱，現場6萬多位觀眾，全場氣氛高漲，而曾經是運動員的展鵬及庭鋒更是另有一番感受。展鵬接受東網受訪時坦言：「都好開心，現場真係好莊觀，大家投入感都好大，細個參加好多兩岸三地乒乓球比賽，依家做完運動員，做演員都可以參加呢個運動盛事活動，真係感到好光榮。」他又透露近期都以歌手身份參與不同活動，推出多首新歌之餘，又會有很多登台騷，今年除夕更首次於內地做倒數活動。
陳展鵬到廣州出席全運會開幕禮。
陳展鵬好開心。
嚟張自拍先！
陳展鵬獻唱。
陳展鵬（左）、黃庭鋒、張馳豪都有上台獻唱。
場面莊觀。
黃庭鋒受訪時表示:「因為公司想搵啲玩運動嘅藝人表演，呢個係我人生第一次喺咁多人面前唱歌，所以事前都有搵老師練歌，成件事好隆重，現場氣氛好犀利，未正式開始已經歡呼聲不斷。」
黃庭鋒話呢次係佢人生第一次喺咁多人面前唱歌。
黃庭鋒事前都有搵老師練歌。
此外，展鵬近日亦忙於為無綫新劇《玫瑰戰爭》拍攝，日前他於尖沙咀拍攝一場揸跑車的戲份，型人配辣跑，現場都有不少人圍觀，之前有指劇中三位視帝展鵬、陳豪、馬國明會分別飾演富二代、經理人等角色，相信展鵬一身打扮，他都是飾演富二代人選。展鵬坦言：「前嗰幾年啲角色都係比較草根，擺咗好多資源喺拍攝同戲劇上，造型冇乜大改變，好似《逆天奇案》，我成套戲兩套西裝同家便服就OK，之後《巨塔之后》就多番啲西裝、三件頭服飾，今次《玫瑰戰爭》真係靚人靚景，我拍咁耐戲以嚟，都未試過揸架咁靚嘅跑車，所以都開心。」
相信展鵬一身打扮，應該是飾演富二代。
仲布靚車揸。
陳展鵬揸超級辣跑穿梭尖沙咀鬧市。
陳展鵬拍咁耐戲以嚟，都未試過揸架咁靚嘅跑車。
認真睇Playback。
