【On.cc】戴祖儀為拍劇減4公斤 郭柏妍爆朱敏瀚扮Chok冧死女
藝人郭柏妍與戴祖儀今日（17日）現身機場，出席《飛常日誌2》開鏡儀式。戴祖儀稱新一輯的她已「升呢」，因此頭上的髮髻也紮得更高，並自爆為今次演出特意減去4公斤，她說：「上一輯好多人話我霸住屏幕位置，所以要減肥戒食薯片，依家食嘢2、3啖就飽。」她又爆演見習機師的郭柏妍有一副專屬黑超：「佢面細細，戴咗副巨型黑超好搞笑。」問到有否因利乘便結識靚仔機師？郭柏妍笑言未有遇到，反而見到不少靚女機師，又指劇中演機師的朱敏瀚會忽然擺「Chok樣」，問她是否睇到心動？她笑言：「唔會，但相信好多女仔會心動。（機師追求會接受？）知道機師收入可觀，但覺得寧願自己讀書考機師，靠自己最穩陣。」
談到歌手曾樂彤與音樂人徐浩婚禮，擔任姊妹團的戴祖儀大讚二人合襯，直言是人生中首次見證到何謂天作之合，問到單身的她可有趁機結識兄弟團？她坦言兄弟團大都名草有主，加上當日要擔任司儀，故未有機會認識賓客，又笑指雖然未有接到花球，但認為要相信緣分，自己不心急拍拖。
朱敏瀚虙中會扮Chok。
郭柏妍升呢做機師。
戴祖儀同郭柏妍合作。
戴祖儀減咗4公斤。
