【On.cc】關智斌月底開騷宣布閉關 等緊張致恒回覆叫拭目以待
歌手關智斌（Kenny）今日（15日）到尖沙咀出席活動，將於本月26、27假啟德綜藝館舉行演唱會的他，笑言近日每天忙操練，連熨衫時間也沒有，又指今日髮色跟身上服飾一樣，與近期大熱的橙色手提電話撞色，笑指未知會否被人瘋搶。
Kenny透露出席完今次活動便開始為演唱會閉關，現時每天也為演唱會練歌、舞、樂器及操身材之餘，亦要跟舞蹈員一起上戲劇班務求讓演出更投入，坦言由自己處理一個騷不容易。提到他早前罕談組合Boy’z舊隊友張致恒（Steven）並期待合體演出，問到現時進度？他叫大家拭目以待，表示早前有以短訊互相問候，但對方未有確實回覆：「等佢準備好先，如果大家覺得未同步就唔好勉強。」
談到他早前於健身室偶遇Tyson Yoshi並一起「操波」，他笑稱對方是「天下第一巨胸」，當日未見其人先見其胸，笑言做健身的人，辛苦操練的成果不是給其別人欣賞，更似是跟「健身友」互相交流之用，問到Tyson可有給予操肌建議？Kenny説：「同佢一齊操做健身時，睇到佢對自己嘅訓練好刻苦，我操完第二日肌肉掂一掂都痛，所以明白點解佢咁強橫。」
問到會否跟對方在音樂上有合作？他表示喜歡聽對方的歌曲，覺得歌曲的節奏感很適合自己在駕駛或吸塵時聽，而自己未有這種類型的作品，希望之後可向對方指教，問到會否邀請對方擔任演唱會嘉賓在台上鬥胸肌？他笑謂：「我唔會夠佢鬥㗎！佢係『胸神』，胸神惡煞，哈哈！」問到演唱會上會否玩爆衫？他笑指正研究不同爆衫方式，不過自己向來不愛賣弄身材，要配合表演感覺：「唔係為咗大家嗌嗰下就除衫，咁唔夠藝術感。」
Kenny月底就開騷。
所以要閉關。
令人期待。
大家都想睇到佢同Steven再合體。
