香港小姐2025｜张敬轩戒糖唔敢再食菠萝包：阿妈问係咪红枣水躁底
《2025香港小姐竞选》于昨晚（31/8）举行，张敬轩（轩公）抢任开场表演嘉宾。表演中，张敬轩一边唱歌一边牵着14位佳丽出场，十分华丽。
张敬轩接受访问时，坦言TVB充满了回忆，说：“有一种同学聚会嘅感觉，因为一厂有好多FM同事都係睇住我长大，呢个厂都係我攞好多honor嘅地方。”问到同佳丽们“拖手仔”，轩公直认紧张：“见到下面有同事数手指，我都会紧张嘅。”那麽，哪一位佳丽手仔最好拖？他回答：“嗱，我好专业嘅。我唱歌嘅时候所有注意力都喺唱歌上面。如果我个脑有空间捽手仔呢，我又辜负咗志伟哥搵我返嚟。”
近日“菠萝油事件”登上热门。被问到最近有没有食菠萝油，他回答：“唉⋯⋯唔敢乱食嘢啦。最近准备骚。（因为戒糖？）唔止戒糖，仲要戒上网，戒口，唔好咁抢口。（经理人叫嘅？）唔係，我自己嘅，因为前个月开始个妈话我面色唔係太好，咁就平时食开嘅补充剂，阿妈开始畀红枣水我饮。阿妈嗰日睇完问我：‘係咪红枣水躁底？’所以饮住凉茶先。”
