【明報即時】鍾柔美熱爆跳唱 除外套惹起哄 張馳豪抗拒沙灘拍拖
鍾柔美首次現場演唱新歌《不欠你一個朋友》（左圖）；張馳豪第一次做沙灘騷，大叫好玩。（大會提供）
林奕匡、張馳豪、鍾柔美、應智越、林芊瑩、Nowhere Boys、Locksmiths開鎖佬、Cozy Syndrome、The Lemon Ones及IdG Bubbles，前天（11日）出席屯門黃金泳灘及新咖啡灣泳灘舉行的「屯門沙灘節2025」。
Nowhere Boys今年出道第10年，已經第5年參與「屯門沙灘節」演出，特別有感情，寄語得獎的新樂隊做音樂預了要捱窮，無論幾窮都一定要出歌，千萬不要把音樂當作收入來源，及不要想會爆紅，一定要堅持理想，他們笑言雖然出道已10年，但仍然捱窮，並透露今個月推出紀念10周年的新歌。
Locksmiths開鎖佬3年前參加屯門沙灘節「全港青年人Band Show比賽」贏得冠軍，他們開心說：「我哋喺呢個舞台表演咗第3年，見到又有新樂隊誕生，感覺好特別，希望佢哋以後好好享受舞台，諗到想做歌就要做，同埋做樂隊唔好怕有拗撬，我哋3年以來就合作好開心。」
林奕匡透露今年度過了好特別中秋，由於囝囝識行識走，一家三口到郊外慶祝。他指囝囝喜歡沙灘，本來想帶同囝囝出席，但擔心音響太大聲，他說：「好希望有一日睇到自己表演，佢好鍾意音樂，期待囝囝快啲長大，可以一齊合唱。」
應智越表示第一次做沙灘騷，好緊張，笑言終於衝出第一次，他透露最近開騷操肌，他笑言：「見到其他男藝人除衫好有型，不過𠵱家肌肉量多咗，靈活度冇以前咁高。」
鍾柔美首次現場演唱新歌《不欠你一個朋友》，演出前她在後台培養情緒，十分認真，而在台上深情演唱完後，接著又唱又跳兩首快歌《跳舞街》、《Monica》跳到除外套，台下粉絲即嘩然大叫。
張馳豪第一次做沙灘騷，大叫好玩，他說：「初時驚好熱，但現場氣氛好好。我好怕熱，如果有機會開演唱會，最好喺雪地舉行。（會唔會到沙灘拍拖？）唔會，沙灘拍拖多沙又熱，拍拖露營比較好，遲啲真係會有首露營歌，好甜蜜的新歌。」
（即時娛樂）
