谭辉智自爆铺定退路唔怕被消失 揭开“富二代”光环下真实压力丨独家 | 星岛头条
《中年好声音2》亚军谭辉智推出第二首单曲《热身要在冧低前》，以轻快旋律包装沉重压力议题，成为《中声》创下19日破百万点击纪录的男歌手。顶著“富二代”光环的他坦言标篱下隐藏著不为人知的压力，直言：“入行后反而更快乐，但，早已准备好随时消失。”採访：方骞平 摄影：林宾尼 场地：华嫂冰室
出道近两年的谭辉智好受欢迎，新歌《热身要在冧低前》MV可谓玩味十足，创作意念源于唱片部同事向辉智递上一幅日本上班族放工醉酒摊倒地上的照片，从中亦反映出日本人生活中亦颇具压力。
已被标籤难获认同
有地产商爸爸谭握筹在背后，谭辉智常被认定为“有钱仔”、“赢在起跑线”，他却自爆其实压力更大：“由细听人讲，啲人认定你唔使做。如果做出啲成绩，就被指有钱靠屋企，靠人事关係，唔係自己嘅努力。”谭辉智面对“富二代”标籤，首度敞开心扉。他苦笑说：“最搞笑我话我冇(钱)㗎，佢哋竟然讚我够卑厚，家教好！相而啲人冇钱嘅，就充自己有钱！”他揭开“富二代”真实生活：“爸爸一直坚持儿子要自给自足，我要搵才有得食，屋企最多只係提供住所。唔通咁大个人摊大手板问老窦拎生活费咩？细路啲书簿费都要负担啦。如果真係咁有，我就唔唱歌、拍剧啦，做幕前点都有人攻击，我又唔係咁高调嘅人，与其要承受压力，倒不如留喺屋企凑下仔好过。”
Enjoy批评碧咸都有Haters
对于网路上对他的外貌攻击，他笑住展现惊人豁达：“我唔会Hurt喎！咁易受伤害就唔好做，更何况从来冇行出嚟话过自己靓仔，我又冇摆款参加《中声》比赛係靠把声。”更语出惊人：“我开始Enjoy人哋批评我，我睇返有新意嘅评论反而会笑。一面倒讚美唔係好事啫，一半踩一半讚就OK，如果一面倒讚美就惊喇，因为嗰啲好快玩完。”他强调冇完美的人：“个个都会要有Haters㗎啦，连碧咸都畀人话啦！入得呢行就要有心理准备。”
增广见闻改变人生
出道两年来接尽商演广告，他却谦称：“钱银方面仲要努力中，未算係搵到。”然而此刻的他却比从前快乐：“以前觉得人到中年，作为爸爸事业上仲未达标。𠵱家见嘅人多咗，成个人唔同晒，做乜都享受。”他承认自己仲有好多谂法未能实行，有都想挑战音乐及舞台剧。
刚踏入41岁的他许下朴实愿望：“只求大家身体健康。”对于未来，他坦言要面对中年事业危机，却保持清醒度：“我知自己咩位置，都41岁人圈中发展经已去到最尽，唔会上到四大天王位置。”更直言早已铺好退路：“热度随时会冇，要铺定后路，始终有妻儿要养家，冇人搵你做嘢时就要功成身退，年纪问题冇条件再留恋，硬要𢱑捞咪最多一次半次，唔係你就唔係你，适合嘅话都搵咗你㗎啦。好彩𠵱家发展都OK，就继续尽力做啦！”最温暖的是家人的支持：“爸爸见我发展好开心，父子间会多咗话题；大女好好笑，有时见我食食下饭去开工，问我‘可唔可以唔唱歌？’”
