麻雀樂團大結局專訪｜宗叔離世網民嗌不捨 78歲姜大衛仍想挑戰武俠片
TVB[超话]
《麻雀樂團》大結局，圓滿落幕！以人情味為主調的《麻雀樂團》，來到《麻雀樂團》大結局依然是笑中有淚、有悲有喜。喜的是，幾經波折及風浪，鐵姐（李佳芯飾）與阿久（譚俊彥飾）終於修成正果，悲的是，原來是全劇大好人的宗叔（姜大衞飾），與阿久等人快樂地打完家庭式溫馨邊爐後，於三日後離世…
雖然劇情只是輕輕帶過「宗叔」的死亡，網民對於宗叔這個有血有肉的人物亦大感不捨…宗叔的角色有忠有奸、有城府也有豁達一面，有搞笑時又有可怕時，如此立體自然在不少觀眾心目中留下烙印。
問到主演者John哥（姜大衞）宗叔這個角色好不好玩時，John哥（姜大衞）依然貫徹敬業樂業精神：「我拍乜都覺得好玩架，我係用好玩嘅心情去做每一個角色。」
對於不少網民大讚宗叔有不少搞笑及可愛面，John哥（姜大衞）即戲精上身深度剖析：「《麻雀樂團》係輕喜劇，做法唔一樣，宗叔根本冇得去自己搞笑。其實喜劇好多種做法，有啲要表面、有啲要內心，個做法唔同嘅。只要觀眾接受咗成個戲種，再配合埋好嘅對白、動作，就會好笑的了，唔使刻意去搞笑。」
從演近70年的John哥（姜大衞），大讚「《麻雀樂團》劇本寫得相當好，有笑有淚有過癮有肉緊，而且整套劇都滲透著家的感覺。
John哥（姜大衞）又大讚劇中差不多位位演員都好戲又有戲，問他最睇好哪一位新生代演員時，他大讚郭柏妍進步不少：「郭柏妍個角色唔係咁易做，唔係得個靚字，有唔少內心戲，但佢拿捏得幾好。阿妹（胡敏芝）好聽話，感覺都做得好。」
從演多年涉獵無數經典角色的John哥（姜大衞），原來來到今日最想拍的，還是當初「起家」的武俠片，John哥（姜大衞）：「我最鍾意拍武俠片，講做戲，喜劇係好舒服、特別嘅，如果劇本好、角色好，喜劇係好好玩。至於武俠片係情意結，我出身係武俠片嘛，所以都仲想考驗吓自己啲刀劍，同埋夠唔夠膽騎上匹馬，都仲想挑戰。（平時有冇強身備戰時）我會隨意郁，但冇話限死一定要做幾多同大量運動、做開就做，但唔會係話好大嘅動作量，會盡量鬆吓筋骨。」
談到《麻雀樂團》其中一個中心思想是傳承，John哥（姜大衞）被問到會否讓細John繼承自己的衣缽，John哥開通謂：「最緊要佢做緊自己鍾意嘅嘢」：「我知道好多後生鍾意好多嘢，我哋做父母嘅，絕對係支持嘅，佢都試過拍戲、學廚、唱歌，只要佢鍾意做、盡力去做、做到最後，唔放棄，我都絕對支持。我嘅支持唔會無限量嘅，做得唔啱就唔支持。」
笑言自己是綜藝節目《女神配對計劃》鐵粉，並非因為細John有份參與拍攝才追看，是因為節目中很多人都很搞笑所以才集集追看：「我唔止係因為個仔有份先至追。（好多花生食？）都係，成個節目安排得非常之好，好特別。」
John哥（姜大衛）1966年加入邵氏擔任武師，因備受導演張徹賞識正式踏上演員之路，但其實他四歲時已做過童星，屈指一算演齡接近70年，相當厲害。年青時紅極一時，拍過很多電影兼有導演經驗！更是香港首位榮獲《亞洲影展》「最佳男主角」的演員，後於《萬千星輝頒獎典禮2021》榮獲「萬千光輝演藝大獎」，及2024年憑電影《白日之下》獲頒第42屆香港電影金像獎「最佳男配角」，演技備受肯定。
