【On.cc】新聞女王2︱谷婭溦造型亮眼 關寶慧25年後再與阿佘合作無綫台慶劇《新聞女王2》昨晚（12日）播出第3集，除了有關寶慧的亮眼客串，谷婭溦飾演的SNK實習生小天亦相當吸睛，她一改平時形象，改戴方型大框眼鏡兼紮丸子頭亮相，充滿新鮮感。谷婭溦飾演SNK實習生小天。今次是谷婭溦繼《愛上我的衰神》後第二次參與劇集拍攝，雖然演出經驗不多，但卻演活了因咬字發音問題變得欠缺自信的「呆萌職場新鮮人」。谷婭溦接受無綫官方訪問時，坦言小天這個角色和自己經歷十分相似：「好多謝鍾澍佳總監製搵我做小天呢個角色，我都同佳導分享過，我初初嚟到香港，一句廣東話都唔識，呢個情況下我受過唔少冷眼同嘲笑，甚至畀人恰。嗰陣完全唔知點同其他人溝通，所以去親邊度都會驚，同劇入面嘅小天好相似。」談到新劇造型獲讚有新鮮感，她透露主要是為了配合角色設定，而為「眼鏡妹」Look，親自試戴了超過50副眼鏡：「其實我本身都好鍾意戴眼鏡，今次呢副係佳導幫我由50副入面揀出嚟。」谷婭溦相當吸睛。谷婭溦又感恩劇中前輩李施嬅和黃宗澤都相當友善：「Selena姐姐（李施嬅）知道我拍劇經驗比較少，佢會主動同我分享佢自己嘅經驗，又會教我點放鬆，Bosco（黃宗澤）亦都好好，佢知道我緊張，會講吓笑令到個氣氛冇咁緊張，亦都會耐心話畀我知我呢個角色應該思考嘅嘢係咩。」她續指由於拍攝期間感受到滿滿的團隊溫暖，故殺青當日一度流下不捨的眼淚。談到昨晚與關寶慧的對手戲，谷婭溦大讚寶慧姐既專業又玩得：「未Roll機之前大家其實玩得好開心，但係一嗌Action大家都入戲入得好快，跟住我就好自然畀寶慧姐嘅氣勢嚇倒，我當時真係驚到手震！」關寶慧演出亮眼。另外，劇中飾演失控業主芬姐的關寶慧，繼劇集《碧血劍》後相隔25年再與佘詩曼（阿佘）合作，關寶慧接受無綫官方訪問時坦言好開心：「我哋以前都老友，只係大家忙咗之後少聯絡咗好多，但都會偶爾傳短訊祝對方生日快樂。所以今次見番我哋好開心，阿佘又好Sweet嘅，同佢合作感覺好得意，既似老朋友，又似新相識。」談到角色要「一哭二鬧三擸刀」，她坦言相當攰：「因為場戲成日要大嗌，同埋要就番個拍攝，啲嘢要重複咁做，仲要一直咁流眼淚都幾難架，真係有少少透支體力，個攰嘅程度就好似短短幾日入面拍完咗一套劇咁。」她透露為了效果逼真，拍攝近鏡時用的都是真刀，她事前有跟被她挾持的泰臣不斷溝通及度位：「我係怕拍呢啲戲架，我好論盡架。」吳業坤和王敏奕擦出火花。
